गेरुवा गाउँपालिका दोश्रो अन्तर विद्यालय तथा राष्ट्रपति रनिङ्ग शिल्ड छनौट प्रतियोगितामा नेपाल राष्ट्रिय गणेश मा. वि. प्रसेनीपुर ६ स्वर्ण पदकका साथ अग्रस्थानमा रहेको छ ।

गेरुवा गाउँपालिका वडा नं. ६ स्थित कल्पेश्वर खेल मैदानमा जारी प्रतियोगितामा नेपाल राष्ट्रिय गणेश मा. वि. प्रसेनीपुरलाई ५ स्वर्ण पदक सहित एकप्रिय राठोर मा. वि. पाताभारले पच्छाइ रहेको छ ।

ADVERTISEMENT

प्रतियोगितामानेपाल राष्ट्रिय गणेश मा. वि. प्रसेनीपुरले सनिवार सम्म सम्पन्न भएका खेलमा ६ स्वर्ण ३ रजत पदक पाप्त गरेको छ ।

त्यस्तै एकप्रिय राठोर मा. वि. पाताभार ५ स्वर्ण, ५ रजत, ४ काँस्य पदक सहित दाश्रो स्थानमा छ ।

गोलाको जनता माध्यमिक विद्यालय २ स्वर्ण, ४ रजत, ४ काँस्य पदक सहित तेश्रो स्थानमा छ ।

प्रतियोगितामा २ स्वर्ण, ३ रजत, ५ काँस्य सहित जानकी माध्यमिक विद्यालय चौथो स्थानमा रहेको छ भने १ मात्र स्वर्ण पदक विजेता ग्रिनग्लोवल ई. स्कुल शान्तिवजार पाचौ स्थानमा छ ।

१ रजत, ३ काँस्य जितेर पशुपति माध्यमिक विद्यालयले छैंठौ स्थान ओगटेको छ भने क्याम्ब्रिज ई. स्कुलले हाल सम्म कुनै पदक प्राप्त गर्न सकेको छैन ।

गेरुवा गाउँपालिका वडा नं. ६ स्थित नेपाल राष्ट्रिय गणेश माध्यमिक विद्यालयको आतिथ्यतामा प्रतियोगिता सञ्चालन भएको हो ।

२० गते सम्म सञ्चालन हुने प्रतियोगीतामा गेरुवा गाउँपालिकाका २६ ओटा सामुदायिक र ५ वटा संस्थागत गरी जम्मा ३१ वटा विद्यालयका बालबालिकाहरु खेलमा सहभागी भएका छन् ।

प्रतियोगीतामा लामो तथा छाटो दुरीको दौड, रिले दौड,लङ्गजम्प, हाई जम्प, ट्रिपल जम्प, सटपट, ज्याभलिन थ्रो भलिवल लगाएतका खेल हुने भएका छन् ।

प्रतियोगितामा प्राथमिक तह, आधारभुत तहका विद्यार्थीहरुले पनि प्रतियोगीतामा प्रत्यक्ष सहभागी हुन पाउने छन् ।

प्राथमिक तहमा १०० मिटर दौड, २०० मिटर दौड, लङ्गजप गरी ३ वटा विधामा प्रतिस्पर्धा गराईने गेरुवा गाउँपालिका खेलकुद विकास समिति एवम् तथा रनिङ्ग शिल्ड प्रतियोगिता मूल आयोजक समितिका अध्यक्ष कृष्ण गोपाल चौधरीले बताए ।

‘ आधारभूत तहका लागि १०० मिटर दौड, २०० मिटर बाँकी ३ पेजमा दौड, लङ्गजम्प, त्रिपलजम्प र सटपट गरी ५ विधामा छात्र छात्रा विच प्रतिस्पर्धा गराईने छ ।’ चौधरीले भने ।

प्रतियागिता गेरुवा गाउँपालिकाको सहयोग, शिक्षा,युवा तथा खेलकुद शाखा, गेरुवागाउँपालिका खेलकुद विकास समिति र शिक्षक महासंघ गेरुवा गाउँपालिकाको समन्वय तथा रनिङ्ग शिल्ड प्रतियोगिता मूल आयोजक समितिको आयोजनामा संचालन भएको हो ।