आइतवार, श्रावण ३१ गते २०८३ / Sunday, 2026-08-16
आइतवार, श्रावण ३१ गते २०८३ / Sunday, 2026-08-16
.gif)
.png)
बर्दिया टुडे
समृद्ध नेपाल बनाऔं,विश्वमा नेपाललाई चिनाऔं भन्ने मूल नारा सहित पर्यटन वर्ष २०२० लाई स्वागत गर्दे गेरुवा गाउँपालिकामा माघी पर्वको अवसर पारेर बृहत खुल्ला अध्यक्ष कप फुटवल प्रतियोगिता सञ्चालन भएको छ ।
गेरुवा गाउँपालिका बडा नंं. ४ स्थित नवज्योती बजार (खोल्टिवजार) खेलमैदानमा सञ्चालन भएको प्रतियोगिताको गाउँपालिका अध्यक्ष जमान सिंह के. सी. ले एक समारोहका विच आईतवार उद्घाटन गर्नु भयो ।
प्रतियोगिताको उद्घाटन खेल गेरुवा गाउँपालिकाका निर्वाचित पदाधिकारी र कर्मचारी विच भएको थियो । प्रतियोगितामा समावेस नगरिएको उक्त खेलमा कर्मचारीहरुको टिमले शुन्यका विरुद्ध ७ गोल गर्दै पदाधिकारी हरुको टिमलाई पराजित गरेको छ ।
पौष २७ गते सम्म सञ्चालन हुने प्रतियोगितामा कैलाली र बर्दियाका गरी जम्मा १४ बटा टिम सहभागि रहेको गेरुवा गाउँपालिका खेलकुद बिकास समितिका अध्यक्ष कृष्ण गोपाल चौधरीले बताए ।
प्रतियोगिताको विजेता टिमलाई नगद १ लाख १ हजार १ सय ११ र उपविजेता टिमलाई ५५ हजार ५ सय ५५ रुपैँयाको पुरस्कारको ब्यवस्था गरिएको अध्यक्ष चौधरीले बताए । त्यसैगरी प्रतियोगिताको सेमिफाइनलमा पुग्ने प्रत्येक टिम लाईपनि रु १० हजारको पुरस्कारको ब्यवस्था गरिएको उनले बताए ।
प्रतियोगिता गेरुवा गाउँपालिकाको सहयोगमा गेरुवा गाउँपालिका खेलकुद विकास समितिले आयोजना गरेको हो ।
.gif)
