आइतवार, श्रावण ३१ गते २०८३ / Sunday, 2026-08-16
आइतवार, श्रावण ३१ गते २०८३ / Sunday, 2026-08-16
.gif)
.png)
बर्दिया टुडे
आउँदो मंसिर १४ गते हुने उपनिर्वाचनका क्रममा प्रतिनिधि सभा र प्रदेश सभा सदस्यका लागि हुने निर्वाचनको मनोनयन दर्ता आज हुँदैछ । निर्वाचन आयोगले जनाए अनुसार मनोनयन पत्र दर्ता आज बिहान १० बजेदेखि दिउँसो १ बजेसम्म हुनेछ ।
स्थानीय तहको भने कात्तिक २७ गते बिहान १० देखि १ बजेसम्म मनोनयन दर्ता हुनेछ । मतदान मंसिर १४ गते बिहान ७ देखि ५ बजेसम्म हुने कार्यक्रम रहेको छ । यो उपनिर्वाचनलाई दलहरुको अवस्था के छ भन्ने विषयलाई लिएर शक्ति परीक्षणको रुपमासमेत लिइएको छ ।
निर्वाचन आयोगले प्रतिनिधिसभा, प्रदेशसभा र स्थानीय तहसमेत गरी ३७ जिल्लामा मंसिर १४ गते हुने उप निर्वाचनको तयारी पूरा भएको जनाएको छ ।
आयोगका अनुसार प्रतिनिधिसभा सदस्य १, प्रदेश सभा सदस्य ३, स्थानीय तह अन्तर्गत प्रमुख १, अध्यक्ष ३, उपाध्यक्ष १ र वडाध्यक्ष ४३ गरी ५२ पदका लागि उपनिर्वाचन हुनेछ । निर्वाचनमा ३७ जिल्लाका कुल ४ लाख ५४ हजार ११४ जना मतदाता कायम गरिएको र उपनिर्वाचनको लागि २४७ मतदान स्थल र ५३७ मतदान केन्द्र तोकिएको जनाइएको छ ।
उपनिर्वाचनका लागि मतदाता शिक्षा कार्यक्रम मंसिर ५ देखि ११ सम्म हुनेछ ।
.gif)
