बारबर्दिया : बर्दियाको बारबर्दिया नगरपालिका अन्तर्गतकाे नगर खेलकुद विकास समितिले क्रिकेट प्रतियोगिता गर्न लागेको छ ।
विजया दशमी तथा दिपावलीको अवसरमा जिल्ला क्रिकेट संघ बर्दियाको समन्वय तथा नगरपालिकाको खेलकुद विकास समितिको आयोजनामा पालिका स्तरिय क्रिकेट प्रतियोगिता हुने पत्रकार सम्मेलन मार्फत जानकारी गराईएको छ ।
बारबर्दिया नगर रंगशालाको खेल मैदानमा प्रथम पालिका स्तरिय टी–२० क्रिकेट प्रतियोगिता असोज २७ गते देखि सुरु हुने पत्रकार सम्मेलनमा जानकारी दिईएको छ ।
टिम दर्ताका लागि पालिकाको सिफारिस तथा सोही पालिकाको खेलाडी हुनुपर्ने प्रावधान राखिएको छ । टिम दर्ताका लागि नगर खेलकुद विकास समितिले १२ हजार ५ रुपैया टिम दर्ताको लागि लाग्ने समितिले जनाएको छ ।
क्यानको नियम अनुसार खेलाइने र खेल लिग सिस्टमबाट टाइसिटको आधार खेलाइने पत्रकार सम्मेलनमा जानकारी दिईएको छ । टिम दर्ताका लागि बर्दियामा रहेका ८ वटै पालिकाबाट क्रिकेट खेलाडीहरु समावेश हुने र असोज २५ गते सम्म टीम दर्ताको समय सिमा तोकिएको नगर खेलकुद विकास समितिका सदस्य चन्द्र बहादुर खत्रीले जानकारी दिनुभयो ।
क्रिकेट प्रतियोगितमा प्रथम हुनेलाई १ लाख ११ हजार १ सय ११ रुपैया नगद मेडल र ट्रफि प्रदान गरिने छ । द्धितिय पुरुस्कार ५१ हजार १ सय ११ रुपैया नगदका साथै मेडल र ट्रफि प्रदान गरिने बताईएको छ ।
.gif)
.png)
बर्दिया टुडे
.gif)
