विद्यालय स्तरमा अध्यनरत विद्यार्थीहरु विभिन्न शोषण बारे सचेत हुनुपर्ने र व्यावसायिक यौन शोषणमा परि भविष्यमा आउन सक्ने समस्या प्रति आफु र समाजलाई सजक बनाउन आवश्यक रहेको भन्दै विद्यार्थीहरुलाई सचेत पारिएको हो ।

माइती नेपाल बर्दियाको आयोजनामा जिल्लाका ५ (पाँच) वटा सामुदायिक विधालयहरुमा पुगी ब्यबसायिक यौन शोषण बिरुद्ध संचेतना फैलाइएको कार्यक्रम संयोजक गायत्री रिमालले जानकारी दिईन ।

विद्यालयका कक्षा ८ ,९ ,१० ,११ र १२ मा अध्ययनरत छात्राहरुलाई बालबालिका माथी हुने ब्यबसायिक यौन शोषण बिरुद्ध अभिमुखीकरण गरिएको रिमालले बताईन ।

ADVERTISEMENT

व्यावसायिक यौन शोषण बिरुद्ध प्राप्त जानकारीले थप सचेत बनाएको भन्दै विद्यार्थीहरुले आफना साथीहरु,घर परिवार लगायत समाजमा समेत यसबारे सचेतना फैलाउने  प्रतिबद्धता जनाएका छन ।

पछिल्लो समयमा बालबालिकाहरु माथी ब्यबसायिक यौन शोषणको घट्नाहरु चुनौतीका रुपमा देखिएकाले पनि यस्ता कार्यक्रमको आवश्यकता रहेको शिक्षकहरुले प्रतिक्रिया दिएका छन ।

कोराना भाइरसको जोखिमलाई मध्यनजर गर्दे उच्च स्वास्थ साबधानी अपनाई गरिएको कार्यक्रममा ५ वटा विद्यालयका करिब १ सय जना विद्यार्थी सहभागि भएको माइती नेपाल बर्दियाले जनाएको छ ।

बर्दियाको गुलरिया नगरपालिकाकाे महाकवि देबकोटा मावि, बगलामुखी राधाकृष्ण थारु मावि, कोटही मावि तथा बढैयाताल गाँउपालिकाकाे  सरस्वतीमा माबि, र शारदा मा.बि.मा व्यावसायिक यौन शोषण बिरुद्ध अभिमुखीकरण कार्यक्रम संचालन गरिएकाे  माइती नेपाल बर्दियाकी कार्यक्रम संयोजक रिमालले बताईन ।

अभिमुखीकरण कार्यक्रममा विद्यार्थीहरुलाई ज्ञान सम्बन्धी प्रश्नावली सोधी उत्कृष्ट, प्रथम, द्धितिय, तृतीय र सानत्वना हुने छात्राहरुलाई पुरस्कार समेत वितरण गरिएको थियो ।

व्यावसायिक यौन शोषण बिरुद्ध सहजीकरण माइती नेपाल बर्दियाकी संयोजक गायत्री रिमालले गरेकी थिईन।