आइतवार, श्रावण ३१ गते २०८३ / Sunday, 2026-08-16
आइतवार, श्रावण ३१ गते २०८३ / Sunday, 2026-08-16
.gif)
.png)
बर्दिया टुडे
कोरोना भाइरस (कोभिड(१९)संक्रमणको जोखिमलाई मध्यनजर गर्दै गुलरियाका ५ संस्थाहरु मिली कपडाको माक्स वितरण गरेका छन ।
भिडभाड हुने स्थान तथा जोखिमलाई मध्यनजर गर्दै गुलरिया नगरपालिका स्थित राधाकृष्ण चोकमा आमसर्बसाधारण हरुलाई सचेतना मुलक सन्देश प्रवाह गर्दै मास्क वितरण गरिएको हो ।
कोरोना भाइरसको संक्रमणबाट बच्नु पर्ने भन्दै प्रहरी प्रशासनले चौतर्फी उच्च सतर्कता अपनाउन आग्रह गरेका छन ।
समाजिक उत्तरदायित्व ठान्दै सचेतनाका कार्यक्रममा सहकार्य गर्दै यस्ता क्रियाकलापमा सरिक हुन आग्रह समेत गरिएको नयाँशिरा बहुउद्धेश्य सहकारी संस्थाका अध्यक्ष गेहेन्द्र ढकालले बताए ।
कोरोना भाइरसले विश्वभर महामारीको रुप लिइरहेको भन्दै जोखिमबाट बच्न बर्दिया सदरमुकाम गुलरिया स्थीत नयाँशिरा बहुउद्धेश्य सहकारी, सुनौलौ महिला बहुउद्धेश्य सहकारी, खानेपानी तथा सरसफाई उपभोक्ता महासंघ, गुलरिया खानेपानी उपभोक्ता संघ र बेस बर्दियाको संयुक्त सहभागीतामा ५ सय थान कपडाको मास्क वितरण गरिएको ढकालले बताए ।
बर्दियामा विभिन्न संघ संस्था, स्थानिय तह प्रहरी प्रशासन लगायतले जनचेतना मुलक पर्चा पम्पलेट, व्यानर, संचार माध्यम मार्फत जिंगल प्रशारण तथा बैक र मानिसको आवत जावत बढीहुने स्थानमा हात धुनलाई सावुन पानीको व्यवस्था समेत गर्न थालेका छन ।
.gif)
