बर्दियाको राजापुरमा माघी महोत्सव सुरु भएको छ ।

ADVERTISEMENT

समृद्ध बर्दियाको प्रमुख आधार व्यापार,कृषि, पर्यटन संस्कृति र पूर्वाधार भन्ने मूल नाराका साथ सोमवारबाट सुरु भएको हो ।

राजापुर नगरपालिकाका प्रमुख शिव प्रसाद चौधरीले एक कार्यक्रमका विच पानसमा बत्ती बालेर महोत्सवको उद्घाटन गरेका हुन ।

बर्दिया उद्योग बाणिज्य संघ राजापुरका अध्यक्ष कृष्णकुमार रेग्मीको सभापतित्वमा उद्घाटन कार्यक्रम सम्पन्न भएको थियो ।

उद्घाटन कार्यक्रमका वक्ताहरुले महेत्सवको सफलताको शुभकामना ब्यक्त गरेका थिए ।

बर्दियाको कृषि र पर्यटनको विकास तथा ऐतिहासिक क्षेत्रको जगेर्ना गर्ने उदेश्यले महोत्सवको आयोजना गरिन लागेको आयोजक बर्दिया उद्योग बाणिज्य संघ राजापुरका अध्यक्ष रेग्मीले बताए ।

महोत्सव अवधिभरको खर्च कटाएर महोत्सवबाट बचेको रकमको ६० प्रतिशत रकम संस्थाको बिकासमामा लगानी गरिने र ४० प्रतिशत रकम गरीब विद्यार्थी छात्रवृत्ति कोषको स्थापना गर्न खर्च गरिने अध्यक्ष रेग्मीले बताए । महोत्सव बाट अनुमानित ६० लाख रुपैँया आम्दानी हुने र करीव ४५ लाख रुपैँया खर्च हुने समेत उनले बताए ।

झण्डै १ सय २५ वटा व्यापारिक स्टलहरु रहने माघी महोत्सवमा २ लाख अवलोकनकर्ताहरुले अवलोकन गर्ने, आन्तरिक तथा वाह्य पर्यटकहरु महोत्सवका लक्षित अवलोकनकर्ताहरु रहने आयोजकले जनाएको छ ।

महोत्सवमा थारुजातीकोे संस्कृति, थारुगाउँ, खानाका परिकार, भेषभूषा, बाल उद्यान, विविध सांस्कृतिक कार्यक्रम तथा राष्ट्रिय ख्याती प्राप्त कलाकारहरुको वेजोड प्रस्तुतिहरु महोत्सवको मुख्य आकर्षणहरु रहको अध्यक्ष रेग्मीले बताए ।

महोसवको देस्रो दिन भाेली दुर्गेश थापा, गोपाल जंग थापा रसोनिका के. सी. लगायत स्थानिय कलाकारहरुको प्रस्तुति रहने आयोजकले जनाएको छ ।

रमणीय पर्यटकिय स्थल, प्राचीन बजार, मठ मन्दिर समेत रहेको विविध ऐतिहासिक सांस्कृतिक विविधताले भरिपूर्ण राजापुरमा क्षेत्रमा गरिन लागेको माघि महोत्सव ले यहाँकोको पर्यटन क्षेत्रकोपनी बिकास हुने अपेक्षा गरिएको छ ।

महोत्सव माघ ८ गते सम्म चल्ने छ ।