आइतवार, श्रावण ३१ गते २०८३ / Sunday, 2026-08-16
आइतवार, श्रावण ३१ गते २०८३ / Sunday, 2026-08-16
.gif)
बर्दियाको गुलरियामा अपाङ्गता मैत्री सेवा प्रवाहका लागि स्वास्थ्य सेवा प्रदायकहरूलाई प्रशिक्षण आरम्भ गरिएको छ ।
प्लान इन्टरनेसनल नेपालको आर्थिक सहयोगमा सञ्चालित शसक्त बालिका परियोजना अन्तर्गत बाँके युनेस्को क्लबले कार्यक्रमको आयोजना गरेको हो ।
स्वास्थ्य सेवालाई सरल र व्यवस्थित बनाउँदै अपाङ्गता मैत्री सेवा प्रवाहका लागि कार्यक्रम प्रशिक्षण कार्यक्रम सञ्चालन गरिएको आयोजकले जनाएको छ ।
कार्यक्रममा किशोरीहरुको यौन तथा प्रजनन स्वास्थ्य अधिकार का साथै बाल मैत्रेय सेवा र नेपाल सरकारका यौन तथा प्रजनन स्वास्थ्य सेवा अधिकार, नीति निर्देशिका बारेमा सहजीकरण गरिने बाँके युनेस्को क्लबका कार्यक्रम संयोजक गोविन्द प्रसाद लामिछानेले बताउनु भयो ।
मङ्गलवार देखि सुरु भएको प्रशिक्षण कार्यक्रममा गुलरिया नगरपालिकाका १२ वटै वडाका स्वास्थ्य संस्था प्रमुख तथा प्रतिनिधिहरू सहभागी छन् ।
३ दिन सम्म चल्ने कार्यक्रमको सहजीकरण स्वास्थ्य सेवा विभाग परिवार कल्याण महाशाखाका प्रशिक्षक विनोद जोशीले गरिरहनु भएको छ ।
.gif)
.jpg)
