आइतवार, श्रावण ३१ गते २०८३ / Sunday, 2026-08-16
आइतवार, श्रावण ३१ गते २०८३ / Sunday, 2026-08-16
.gif)
.png)
बर्दिया टुडे
गेरुवा गाउँपालिका वडा नं. ५ का सडक किनारमा वृक्षारोपण गरिएको छ।
वडाको पथरैयामा बिन्द्रा कालोपत्रे सडक र शमी चोकहुँदै फूलबारी टोल बिन्द्रा जोडने सडक किनारमा वृक्षारोपण गरिएको हो ।
समाजसेवी युवा खडक कार्कीको अग्रसरतामा शिव समुह, दक्षिण पथरैयामा आवद्ध सदस्यहरूको सक्रियतामा वृक्षारोपण गरिएको हो।
सडक किनारमा ५ मिटरको फरकमा पथरैया - बिन्द्रा सडकको दुवै भागमा र शमी चोकहुँदै फूलबारी टोल बिन्द्रा जोडने सडकको दायाँ भागमा विभिन्न प्रजातिका फलफल र फुलका बिरुवा गरी प्रजातिका २ सय ४ वटा बिरुवा रोपिएका छन् ।
सडकको सौन्दर्यपना बढाउनका साथै हरियाली वातावरण बनाउनका लागि वृक्षारोपण गरिएको समाजसेवी खडक कार्कीले बताउनु भयो । उहाँले शमी चोकमा आफ्नै लगानीमा शौचालयको निर्माण सहित पिउने पानीको व्यवस्थापन गर्ने प्रतिवद्धता जनाउनु भयो ।
वृक्षfरोपणका लागि बिरुवा खरिदका लागि समाजसेवी युवा कार्कीले १५ हजार र समुहका सदस्यहरूले ७ हजार उपलब्ध गराउनु भएको हो ।
सरक्षणका लागि विरुवा लाई बेर्ने सामग्री समुदायका सदस्यहरूले निशुल्क उपलब्ध गराउनु भएको छ ।
रोपिएका वोट बिरुवा लाई पशुचौपाया वाट बचाउनका लागि समुहका सदस्यका घरका तथा समुहका बाहिरका समुदायका पशुचौपायाले बोटविरुवा लाई नोक्सान गरेमा नोक्सान गरेको बिरुवा सहित क्रमश :२ हजार र ५ हजार रुपैया जरिवाना लिने नियम बनाईएको छ।
.gif)
