वाके यूनेस्को क्लवले बर्दियाको गुलरिया नगरपालिकाका ३ वटा विद्यालयलाई विज्ञान प्रयोगशाला सामग्री सहयोग गरेको छ । प्लान नेपालको सहयोगमा सञ्चालित बालिका शिक्षा परियोजना अन्तरगत विद्यालयलाई विज्ञान प्रयोगशाला सामग्री सहयोग गरेको हो ।

ADVERTISEMENT

प्रयोगात्म अभ्यासवाट विद्यार्थीको सिकाई उपलब्धि वढाउन विद्यालयलाई विज्ञान प्रयोगशाला सामग्री सहयोग गरिएको  बाँके युनेस्को क्लब वदियाका संयोजक गोविन्द लामिछाने ले बताउनु भयो । उहाँले गुलरिया नगरपालिकाको वडा नम्बर १ मा रहेको त्रिशक्ति मावि कमलपुर र वडा नम्बर ३ मा रहेको जानकी माध्यमिक विद्यालय का साथै वडा नम्बर ११ मा रहेको गौरीशंकर माध्यमिक विद्यालयमा करिब १८ लाख ७५ हजार मूल्य बराबरको सामग्री सहयोग गरिएको जानकारी दिनु भयो ।

सहयोग कार्यक्रममा वोल्दै गुलरिया नगरपालिकाका नगरप्रमुख मुक्तिनाथ यादवले गाउँ गाउँमा पनि विभिन्न किसिमका विज्ञान प्रयोगशालाहरु खुल्नुले विद्यार्थीको शैक्षिक क्षमतामा समेत प्रभाव पार्ने बताउनुभयो । उहाँले गाउँघरका विद्यालयहरूमा अहिलेसम्म विज्ञान प्रयोगशाला सञ्चालनमा आउन नसकेको बताउँदै विज्ञान प्रयोगशाला सञ्चालन भएपछि विद्यालयको क्षमतामा समेत वृद्धि हुने बताउनु भयो ।

गुलरिया नगरपालिकाकी उपप्रमुख सावित्रा गौतमले विद्यालयहरूमा विज्ञान प्रयोगशाला सञ्चालनमा आएपछि शिक्षक र विद्यार्थी दुवैको क्षमता बढ्नेमा आफू विश्वस्त रहेको समेत बताउनुभयो ।

सामग्री हस्तान्तरण कार्यक्रममा बोल्दै प्लान नेपालकी क्षेत्रीय कार्यक्रम संयोजक मिना पराजुलीले विद्यालयहरूमा दिइने विज्ञान प्रयोगशालाका सामग्रीले विद्यार्थीको गुणस्तरमा वृद्धि हुनेमा ध्यान दिनुपर्ने कुरामा जोड दिनुभयो ।

कार्यक्रममा नेपाल पत्रकार महासंघका अध्यक्ष यादव आचार्य , संचारकर्मी , गुलरिया नगरपालिकाका निमित्त प्रमुख प्रशासकिय अधिकृत रूपसिंह खत्री शिक्षा शाखा प्रमुख सतिश यादव लगायत विद्यालयका शिक्षकहरूको समेत उपस्थिति रहेको थियो ।